Liebe Herta,

Du hast viele Spuren der Liebe und Fürsorge hinterlassen und die Erinnerung an viele schöne Stunden in meiner Kindheit werden stets in mir lebendig sein.

Wünsche Euch allen viel Kraft in dieser schweren Zeit.

Helga

Wenn das Licht erlischt, bleibt die Trauer.
Wenn die Trauer vergeht, bleibt die Erinnerung!

Du bleibst mir unvergessen
und deine Herzlichkeit!

Im stillen gedenken, deine
Sangeskolllegln Gertrud

Host Gedichte meng im Dialekt so gern,
Drum wirst im Naum deiner Enkerl jz des Gsatzl vo mir hern.

Es is recht schwa, wo faung i au..,
Host immerhin sovü fia uns dau.

Worst imma do, host kocht fia uns frisch.
Und wir Kinder haum oiwei gestritten an deim Tisch.

Maunchmoi haummas gauntsche bunt triebn,
Oba du? Du bist immer cool bliebn.

Omaaaa, wos gibtsn heit zum Essn ,
Haumma ständig gfrogt,
Schieb eine schlick obe, oda, bochane Heibodntiarl host du nur gsogt.

Is daun ane vo de Tantn friah hamkuma,
Hod uns des gaunz schnö in Spaß gnumma,
Do hods daun khassn:
Du woscht ob, Du wischt in Tisch und du gehst IN de Henna,
Do wor uns daun maunchmoi a weng zum flenna,

Gsunga host mit Leib und Sö,
Doch Z’Weihnachten wor des oiwei a Bahö,
Z’hoch, Z’tiaf, Z’schief, haumma diskutiert mitnaund,
Oba des wichtigste fia die, dass wir ois Familie woan beinaund.

Hümme Schümme host du imma gfluacht,
Wennst dei verlegte Brün host wieda moi gsuacht,

Oma, jo a dei Wortschotz wird se in unsare Kepf einbrenna:
„Jo mei Liaba, Mooomental, Herschoftszeiten…“
Um nur a boa z’nenna.

Du host unsa Kindheit zu dem gmocht wos sie wor,
Einzigartig - liebevoll - und wunderbor!

Host uns olle khobt auf deim Schoß,
Oba mittlerweile san a deine Enkerl groß.
Doch bliebn is de Liab zu dia - Bedingungslos!

Worst a imma do fia unsre Kloan,
Kaum zum glaubn, 10 Urenkerl sans woan.
Pipioma haums oba nur sogn derfn,
Weil die Urli, de is da gaunga auf de Nervn!

Worst die beste Oma, Tagesmutter und noch vü mehr,
Werden die vermissen und des so sehr!

Es Duad so weh, dass du host missen geh,
Oba i hoff , wo a imma du jz bist, dort host das sche!

Wir mechtn nu sogn, a rießen großes DANKE an DI,
Und Oma, ans versprich i da, wir vergessen die NIE!

Deine Enkerl!